திருக்குர்ஆன் கேள்வி பதில்

 திருக்குர்ஆன் கேள்வி பதில்

ஸமூத் சமுதாயத்திற்கு நபியாக அனுப்பப்பட்டவர் யார்?

! நபி ஸாலிஹ் (அல்குர்ஆன் 11:62)

ஸாலிஹ் (அலை) அவர்களின் கூட்டத்தினர் எவ்வாறு தண்டிக்கப்பட்டார்கள்?

! பெரும் சப்தத்தால் (அல்குர்ஆன் 11:67)

உலகை விட்டுப் பிரியும்வரை யாரிடமும் கையேந்த மாட்டேன் என்று சத்தியமிட்ட நபித்தோழர் யார்?

! ஹகீம் பின் ஹிஷாம் (ரலி) (ஆதாரம் : புகாரி 2750)

தம்மிடம் வந்த வானவர்களுக்கு எந்த விருந்து வைத்தார்கள் நபி இப்ராஹீம் (அலை) அவர்கள்?

! பொரித்தக் கன்றை கொடுத்தார்கள் (அல்குர்ஆன் 11:69)

பணியாளன் எதற்கு பொறுப்பாளி?

! தன் எஜமானின் செல்வத்திற்குப் பொறுப்பாளனாவான். (ஆதாரம் : புகாரி 2751)

வானவர்களை மனித தோற்றத்தில் கண்ட நபி இப்ராஹீம் (அலை) என்ன ஆனார்கள்?

! பயந்துவிட்டார்கள் (அல்குர்ஆன் 11:70)

தோட்டத்தை தர்மம் செய்து தன் தாயின் நன்மைக்கு வழிவகுத்தவர் யார்?

! ஸஅத் பின் உபாதா (ரலி) (ஆதாரம் : புகாரி 2756)

இப்ராஹீம் (அலை) அவர்களிடம் வந்த வானவர்கள் என்ன சொன்னார்கள்?

! நபி இப்ராஹீம் (அலை) அவர்களுக்கு குழந்தை பிறக்கப் போகிறது என்ற நற்செய்தியை கூறினார்கள். (அல்குர்ஆன் 11:71)

தனக்கு மிகவும் விருப்பமான பைருஹா எனும் தோட்டத்தை தர்மம் செய்தவர் யார்?

! அபூதல்ஹா (ரலி) (ஆதாரம் : புகாரி 2758)

நற்செய்தி கேட்ட நபி இப்ராஹீம் (அலை) அவர்களின் மனைவி என்ன கூறினார்கள்?

! "இது என்ன அதிசயம்! நான் கிழவியாகவும்,இதோ எனது கணவர்

கிழவராகவும் இருக்கும்போது பிள்ளை பெறுவேனா?

! இது வியப்பான செய்திதான்'' என்று கூறினார்கள். (அல்குர்ஆன் 11:72)

நபி (ஸல்) அவர்கள் ஓய்வு எடுக்கும் தோட்டம் எது?

! பைருஹா தோட்டம் (ஆதாரம் : புகாரி 2758)

இப்ராஹீம் (அலை) அவர்களின் குணம் எப்படி?

! சகிப்புத் தன்மை மிக்கவராகவும்,இரக்கமுள்ளவராகவும் இருந்தார்கள். (அல்குர்ஆன் 11:75)

அனஸ் (ரலி) அவர்கள், நபிகளாருக்கு பணிவிடை செய்யச் சொன்னவர் யார்?

! அபூ தல்ஹா (ரலி) (ஆதாரம் : புகாரி 2768)

ஓரினச்சேர்க்கையில் ஈடுபட்டுவந்த மக்களிடம் நபி லூத் அவர்கள் என்ன கேட்டார்கள்?

! உங்களில் நல்ல ஓர் ஆண் மகன்கூட இல்லையா? என்று கேட்டார்கள். (அல்குர்ஆன் 11:78)

மஸ்ஜித் நபவி இருக்கும் இடம் எந்த குலத்தைச் சார்ந்தவர்களுக்கு சொந்தமானது?

! பனூ நஜ்ஜார் (ஆதாரம் : புகாரி 2774)

லூத் (அலை) அவர்களின் சமூகத்தினர் எவ்வாறு அழிக்கப்பட்டனர்?

! சுடப்பட்ட கற்களால் கல் மழை பொழிந்து,அதன் மேற்பகுதியை கீழ்ப்பகுதியாக ஆகப்பட்டது. (அல்குர்ஆன் 11:82)

ரூமா என்ற கிணறை விலைக்கு வாங்கி தூர் வாரி மக்களுக்கு தர்மம் செய்தவர் யார்?

! உஸ்மான் (ரலி) (ஆதாரம் : புகாரி 2778)

ஷுஐப் (அலை) அவர்கள் எந்த நகருக்கு இறைத்தூதராக அனுப்பப்பட்டார்கள்?

! மத்யன் (அல்குர்ஆன் 11:84)

பெண்களுக்குரிய சிறந்த அறப்போர் எது?

! பாவம் கலவாத ஹஜ் (ஆதாரம் : புகாரி 2784)

ஷுஐப் (அலை) அவர்கள் கூட்டத்தினர் வியாபாரத்தில் என்ன தவறு செய்தார்கள்?

! அளவையிலும், நிறுவையிலும் மோசடி செய்தனர். (அல்குர்ஆன் 11:85)

ஜிஹாத்திற்கு நிகரான நற்செயல் எது?

! எதுவும் இல்லை (ஆதாரம் : புகாரி 2785)

தொழுகை எதை கட்டளையிடுவதாக ஷுஐப் (அலை) அவர்களின் கூட்டத்தினர் கூறினர்?

! எங்கள் முன்னோர்கள் வணங்கியதையும்,எங்கள் பொருட்களில் நாங்கள் விரும்பியவாறு செயல்படுவதையும் விட்டுவிட கட்டளையிடுகிறதா? (அல்குர்ஆன் 11:87)

! வானுலகில் வானவர்கள் வணங்குவதற்காக அமைக்கப்பட்ட ஆலயம் எது?

பைத்துல் மஃமூர் (ஆதாரம் : புகாரி 3207)

ஷுஐப் (அலை) அவர்களின் போதனைப் பற்றி அவர்களின் கூட்டத்தினர் என்ன கருத்து கூறினர்?

! நீர் கூறுவதில் அதிகமானவை எங்களுக்குப் புரியவில்லை. எங்களில் பலவீனராகவே உம்மை நாங்கள் கருதுகிறோம். (அல்குர்ஆன் 11:91)

சொர்க்கத்தின் மிகச்சிறந்த சொர்க்கம் எது?

! பிர்தவ்ஸ் (ஆதாரம் : புகாரி 2790)

உமது குலத்தார் இல்லாவிட்டால் உம்மைக் கல்லெறிந்து கொன்றிருப்போம் என்று கூறியதற்கு ஷுஐப் (அலை) அவர்கள் என்ன பதிலளித்தார்கள்?

! "என் சமுதாயமே! என் குலத்தவர் அல்லாஹ்வைவிட உங்களுக்கு மதிப்பு மிக்கவர்களா? (அல்குர்ஆன் 11:92)

சொர்க்கத்தில் ஒரு வில்லுக்கு சமமான இடம் கிடைப்பது?

! உலகத்தைவிட சிறந்தது (ஆதாரம் : புகாரி 2793)