அல்லாஹ்வை சந்திப்பதற்க்கு சிரமம் இல்லை ...

அல்லாஹ்வை சந்திப்பதற்க்கு சிரமம் இல்லை ...

حدثنا محمد بن عبد اللَّهِ بن نُمَيْرٍ ثنا يحيى بن عِيسَى الرَّمْلِيُّ عن الْأَعْمَشِ عن أبي صَالِحٍ عن أبي هُرَيْرَةَ قال قال رسول اللَّهِ  تَضَامُّونَ في رُؤْيَةِ الْقَمَرِ لَيْلَةَ الْبَدْرِ قالوا لَا قال فَكَذَلِكَ لَا تَضَامُّونَ في رُؤْيَةِ رَبِّكُمْ يوم الْقِيَامَةِ 

‘பவுர்ணமி இரவில் சந்திரனைப் பார்ப்பதில் உங்களுக்குச் சிரமம் எதுவுமிருக்குமா?’ என்று நபி (ஸல்) அவர்கள் கேட்ட போது ‘இருக்காது’ என்று அவர்களின் தோழர்கள் கூறினார்கள். ‘அது போலவே உங்கள் இறைவனை மறுமையில் காண்பதற்கு நீங்கள் சிரமப்பட மாட்டீர்கள்’ என்று நபி (ஸல்) அவர்கள் கூறினார்கள் என அபூஹுரைரா (ரலி) அவர்கள் அறிவிக்கிறார்கள். 

(குறிப்பு: புகாரி, முஸ்லிம் ஆகிய நூல்களில் இந்த ஹதீஸ் இடம் பெற்றுள்ளது.)

 حدثنا محمد بن الْعَلَاءِ الْهَمْدَانِيُّ ثنا عبد اللَّهِ بن إِدْرِيسَ عن الْأَعْمَشِ عن أبي صَالِحٍ السَّمَّانِ عن أبي سَعِيدٍ قال قُلْنَا يا رَسُولَ اللَّهِ أَنَرَى رَبَّنَا قال تَضَامُّونَ في رُؤْيَةِ الشَّمْسِ في الظَّهِيرَةِ في غَيْرِ سَحَابٍ قُلْنَا لَا قال فَتَضَارُّونَ في رُؤْيَةِ الْقَمَرِ لَيْلَةَ الْبَدْرِ في غَيْرِ سَحَابٍ قالوا لَا قال إِنَّكُمْ لَا تَضَارُّونَ في رُؤْيَتِهِ إلا كما تَضَارُّونَ في رُؤْيَتِهِمَا 

‘அல்லாஹ்வின் தூதரே! எங்கள் இறைவனை நாங்கள் காண முடியுமா?’ என்று நாங்கள் கேட்டோம். ‘மேகத்தால் மறைக்கப்படாத சூரியனை நடுப்பகலில் காண்பதற்கு உங்களுக்குச் சிரமம் எதுவும் இருக்குமா?’ என்று திருப்பிக் கேட்டார்கள். ‘இருக்காது’ என்று நாங்கள் கூறினோம். ‘மேகமற்ற பவுர்ணமி இரவில் சந்திரனைக் காண்பதில் உங்களுக்குச் சிரமம் எதுவுமிருக்குமா?’ என்று கேட்டார்கள். ‘இருக்காது’ என்று நாங்கள் கூறினோம். ‘இவ்விரண்டையும் காண்பதில் உங்களுக்குச் சிரமம் ஏற்படாது என்பது போலவே, உங்கள் இறைவனைக் காண்பதில் சிரமப்பட மாட்டீர்கள்’ என்று நபி (ஸல்) அவர்கள் கூறினார்கள் என அபூ ஸயீத் (ரலி) அறிவிக்கிறார்கள். 

(குறிப்பு: புகாரி, முஸ்லிம் ஆகிய நூல்களில் இந்த ஹதீஸ் இடம் பெற்றுள்ளது.)