முர்ஸலாத் (அனுப்பப்படுபவை) மக்கீ, வசனங்கள்: 50

ஸூரத்துல் முர்ஸலாத் (அனுப்பப்படுபவை)
மக்கீ, வசனங்கள்: 50
அளவற்ற அருளாளனும், நிகரற்ற அன்புடையோனுமாகிய அல்லாஹ்வின் திருப்பெயரால்(துவங்குகிறேன்)

بِسْمِ اللَّهِ الرَّحْمَٰنِ الرَّحِيمِ

77:1    وَالْمُرْسَلَاتِ عُرْفًا

77:1. தொடர்ச்சியாக அனுப்பப்படுபவை (காற்று)கள் மீது சத்தியமாக-

77:2   فَالْعَاصِفَاتِ عَصْفًا

77:2. வேகமாக வீசுகிறவை (புயல் காற்றுகள்) மீது (சத்தியமாக)-

77:3   وَالنَّاشِرَاتِ نَشْرًا

77:3. (மேகங்களைப்) பரவலாகப் பரப்பும் (மழைக் காற்றுகள்) மீது சத்தியமாக-

77:4   فَالْفَارِقَاتِ فَرْقًا

77:4. (சத்தியத்தையும் அசத்தியத்தையும்) வேறுபடுத்தி காட்டுவோர் (வானவர்கள்) மீதும் (சத்தியமாக)-

77:5   فَالْمُلْقِيَاتِ ذِكْرًا

77:5. (இதயங்களில்) உபதேசத்தைப் போடுவோர் (வானவர்) மீதும் (சத்தியமாக)-

77:6   عُذْرًا أَوْ نُذْرًا

77:6. (அந்த உபதேசம்) மன்னிப்பையோ, அல்லது எச்சரிக்கையையோ (உள்ளடக்கியதாகும்)

77:7   إِنَّمَا تُوعَدُونَ لَوَاقِعٌ

77:7. நிச்சயமாக உங்களுக்கு வாக்களிக்கப்பட்டது நிகழ்வதேயாகும்.

77:8   فَإِذَا النُّجُومُ طُمِسَتْ

77:8. இன்னும், நட்சத்திரங்கள் அழிக்கப்படும்போது-

77:9   وَإِذَا السَّمَاءُ فُرِجَتْ

77:9. மேலும், வானம் பிளக்கப்படும் போது-

77:10   وَإِذَا الْجِبَالُ نُسِفَتْ

77:10. அன்றியும், மலைகள் (தூசிகளைப் போல்) பறக்கடிக்கப்படும்போது-

77:11   وَإِذَا الرُّسُلُ أُقِّتَتْ

77:11. மேலும், தூதர்களுக்கு(த் தம் சமூகத்தாருக்காகச் சாட்சியம் கூற) நேரம் குறிக்கப்படும்போது-

77:12   لِأَيِّ يَوْمٍ أُجِّلَتْ

77:12. எந்த நாள்வரை (இவையெல்லாம்) பிற்படுத்தப்பட்டிருக்கின்றன?

77:13   لِيَوْمِ الْفَصْلِ

77:13. தீர்ப்புக்குரிய நாளுக்காகத்தான்.

77:14   وَمَا أَدْرَاكَ مَا يَوْمُ الْفَصْلِ

77:14. மேலும், தீர்ப்புக்குரிய நாள் என்னவென்று உமக்கு எது அறிவித்தது?

77:15   وَيْلٌ يَوْمَئِذٍ لِّلْمُكَذِّبِينَ

77:15. (நம் வசனங்களைப்) பொய்ப்பிப்போருக்கு அந்நாளில் கேடுதான்.

77:16   أَلَمْ نُهْلِكِ الْأَوَّلِينَ

77:16. முன்னோர்(களில் குற்றவாளி)களை நாம் அழிக்கவில்லையா?

77:17   ثُمَّ نُتْبِعُهُمُ الْآخِرِينَ

77:17. பிறகு பின்னுள்ளவர்(களில் குற்றவாளி)களையும் (அழிந்தவர்களைப்) பின் தொடரச் செய்வோம்.

77:18   كَذَٰلِكَ نَفْعَلُ بِالْمُجْرِمِينَ

77:18. குற்றவாளிகளை இவ்வாறுதான் நாம் செய்வோம் (தண்டிப்போம்).

77:19   وَيْلٌ يَوْمَئِذٍ لِّلْمُكَذِّبِينَ

77:19. பொய்ப்பிப்பவர்களுக்கு அந்நாளில் கேடுதான்.

77:20   أَلَمْ نَخْلُقكُّم مِّن مَّاءٍ مَّهِينٍ

77:20. அற்ப நீர்த்துளியிலிருந்து உங்களை நாம் படைக்கவில்லையா?

77:21   فَجَعَلْنَاهُ فِي قَرَارٍ مَّكِينٍ

77:21. பின்னர் அதனைப் பத்திரமான இடத்தில் (கர்ப்பத்தில்) உறுதியாக ஆக்கிவைத்தோம்.

77:22   إِلَىٰ قَدَرٍ مَّعْلُومٍ

77:22. ஒரு குறிப்பிட்ட (கால) அளவு வரை.

77:23   فَقَدَرْنَا فَنِعْمَ الْقَادِرُونَ

77:23. இவ்வாறு நாமே அதை அமைத்திருக்கின்றோம். அமைப்போரில் நாமே மேலானோர்.

77:24   وَيْلٌ يَوْمَئِذٍ لِّلْمُكَذِّبِينَ

77:24. பொய்பிப்பவர்களுக்கு அந்நாளில் கேடுதான்.

77:25   أَلَمْ نَجْعَلِ الْأَرْضَ كِفَاتًا

77:25. பூமியை உங்களை அணைத்து (இடம் தந்து)க் கொண்டிருப்பதாக நாம் ஆக்கவில்லையா?

77:26   أَحْيَاءً وَأَمْوَاتًا

77:26. உயிருள்ளோருக்கும், மரித்தோருக்கும் (அது இடம் அளிக்கிறது).

77:27   وَجَعَلْنَا فِيهَا رَوَاسِيَ شَامِخَاتٍ وَأَسْقَيْنَاكُم مَّاءً فُرَاتًا

77:27. அன்றியும், அதில் உயர்ந்த மலைகளையும் நாம் ஆக்கினோம்; இனிமையான தண்ணீரையும் நாம் உங்களுக்குப் புகட்டினோம்.

77:28   وَيْلٌ يَوْمَئِذٍ لِّلْمُكَذِّبِينَ

77:28. பொய்ப்பிப்பவர்களுக்கு அந்நாளில் கேடுதான்.

77:29   انطَلِقُوا إِلَىٰ مَا كُنتُم بِهِ تُكَذِّبُونَ

77:29. “நீங்கள் எதைப் பொய்ப்படுத்திக் கொண்டிருந்தீர்களோ, அதன் பால் நடப்பீர்களாக” (என்று அவர்களுக்குக் கூறப்படும்).

77:30   انطَلِقُوا إِلَىٰ ظِلٍّ ذِي ثَلَاثِ شُعَبٍ

77:30. மூன்று கிளைகளுடைய (நரகப் புகை) நிழலின் பால் நடப்பீர்களாக.

77:31   لَّا ظَلِيلٍ وَلَا يُغْنِي مِنَ اللَّهَبِ

77:31. (அது) நிழலளிப்பதுமல்ல; (நரகின்) கடுந்தழலை விட்டுக் காப்பாற்றுவதுமல்ல.

77:32   إِنَّهَا تَرْمِي بِشَرَرٍ كَالْقَصْرِ

77:32. நிச்சயமாக அது பெரிய மாளிகைகளைப் போன்ற நெருப்புப் பொறிகளைக் கொண்டு வீசி எறிந்து கொண்டு இருக்கும்.

77:33   كَأَنَّهُ جِمَالَتٌ صُفْرٌ

77:33. நிச்சயமாக அது மஞ்சள் நிறமுள்ள ஒட்டகைகள் போல் இருக்கும்.

77:34   وَيْلٌ يَوْمَئِذٍ لِّلْمُكَذِّبِينَ

77:34. பொய்ப்பிப்பவர்களுக்கு அந்நாளில் கேடுதான்.

77:35   هَٰذَا يَوْمُ لَا يَنطِقُونَ

77:35. இது, அவர்கள் (எதுவும்) பேச முடியாத நாள்.

77:36   وَلَا يُؤْذَنُ لَهُمْ فَيَعْتَذِرُونَ

77:36. அன்றியும் (தப்புவிப்பதற்காகப்) புகழ் கூறவும் அவர்கள் அனுமதிக்கப்படமாட்டார்கள்.

77:37   وَيْلٌ يَوْمَئِذٍ لِّلْمُكَذِّبِينَ

77:37. பொய்ப்பிப்பவர்களுக்கு அந்நாளில் கேடுதான்.

77:38   هَٰذَا يَوْمُ الْفَصْلِ ۖ جَمَعْنَاكُمْ وَالْأَوَّلِينَ

77:38. இது தீர்ப்புக்குரிய நாளாகும். உங்களையும், (உங்களுக்கு) முன் இருந்தோரையும் நாம் ஒன்று சேர்க்கும் (நாள்).

77:39   فَإِن كَانَ لَكُمْ كَيْدٌ فَكِيدُونِ

77:39. எனவே, (தண்டனையிலிருந்து தப்பித்துக் கொள்ள) உங்களிடம் சூழ்ச்சியிருக்குமானால், சூழ்ச்சி செய்து பாருங்கள்.

77:40   وَيْلٌ يَوْمَئِذٍ لِّلْمُكَذِّبِينَ

77:40. பொய்ப்பிப்பவர்களுக்கு அந்நாளில் கேடுதான்.

77:41   إِنَّ الْمُتَّقِينَ فِي ظِلَالٍ وَعُيُونٍ

77:41. நிச்சயமாக, பயபக்தியுடையவர்கள் (குளிர்) நிழல்களிலும், நீர்ச் சுனைகளிலும் இருப்பார்கள்.

77:42   وَفَوَاكِهَ مِمَّا يَشْتَهُونَ

77:42. இன்னும், அவர்கள் விரும்பும் கனிவகைகளும் உண்டு.

77:43   كُلُوا وَاشْرَبُوا هَنِيئًا بِمَا كُنتُمْ تَعْمَلُونَ

77:43. “நீங்கள் செய்து கொண்டிருந்த (நற்) செயல்களின் காரணமாக, சிரமமின்றி, தாராளமாக புசியுங்கள்; இன்னும் பருகுங்கள்” (என்று கூறப்படும்).

77:44   إِنَّا كَذَٰلِكَ نَجْزِي الْمُحْسِنِينَ

77:44. நிச்சயமாக, இவ்வாறே நன்மை செய்வோருக்கு நாம் கூலி கொடுப்போம்.

77:45   وَيْلٌ يَوْمَئِذٍ لِّلْمُكَذِّبِينَ

77:45. பொய்ப்பிப்பவர்களுக்கு அந்நாளில் கேடுதான்.

77:46   كُلُوا وَتَمَتَّعُوا قَلِيلًا إِنَّكُم مُّجْرِمُونَ

77:46. (பொய்யாக்குவோரே உலகில்) இன்னும் கொஞ்ச (கால)ம் நீங்கள் புசித்துக் கொண்டும், சுகித்துக்கொண்டும் இருங்கள் - நிச்சயமாக நீங்கள் குற்றவாளிகளே.

77:47   وَيْلٌ يَوْمَئِذٍ لِّلْمُكَذِّبِينَ

77:47. பொய்ப்பிப்பவர்களுக்கு அந்நாளில் கேடுதான்.

77:48   وَإِذَا قِيلَ لَهُمُ ارْكَعُوا لَا يَرْكَعُونَ

77:48. “நீங்கள் குனிந்து வணங்குங்கள்” என்று அவர்களிடம் கூறப்பட்டால், அவர்கள் குனிந்து வணங்கமாட்டார்கள்.

77:49   وَيْلٌ يَوْمَئِذٍ لِّلْمُكَذِّبِينَ

77:49. பொய்ப்பிப்பவர்களுக்கு அந்நாளில் கேடுதான்.

77:50   فَبِأَيِّ حَدِيثٍ بَعْدَهُ يُؤْمِنُونَ

77:50. எனவே, இதன் பின்னர் எந்த விஷயத்தின் மீதுதான் அவர்கள் ஈமான் கொள்வார்கள்?